Indonezııadaǵy jer silkinisinen 46 adam kóz jumyp, júzdegen adam jaraqat aldy
AMMAN. QazAqparat – Indonezııanyń ıAva aralynda dúısenbi kúni jer silkinisi bolyp, birneshe adam kóz jumdy, dep habarlaıdy QazAqparat VVS-ge silteme jasap.
AQSh Geologııalyq qyzmetiniń málimetinshe, 5,6 baldyq jer silkinisi Batys ıAvadaǵy Chıandjýr qalasynda 10 km tereńdikte bolǵan.
Jer asty dúmpýleri el astanasy Djakartadan shamamen 100 km qashyqtyqta sezildi.
Osydan keıin Indonezııa astanasynyń kópqabatty ǵımarattarynan adamdar evakýatsııalandy.
Indonezııa bıligi jerasty dúmpýleriniń qaıtalanýy yqtımal ekenin eskertti. Olar kóz jumǵandar sany artady dep boljap otyr.
Jer silkinisi bolǵan jerde halyq tyǵyz qonystanǵan, úıler nashar salynǵan.
Jergilikti bıliktiń habarlaýynsha, qutqarýshylar qıraǵan ǵımarattardan adamdardy evakýatsııalaýǵa tyrysýda, olar áıel men onyń balasyn qutqaryp qaldy.
Chandjýr qalasy ákimshiliginiń basshysy German Sýherman bul tabıǵı apattan kem degende 46 adamnyń kóz jumǵanyn habarlady.
«Zardap shekkender túrli aýdandardan kelýde. 700 - ge jýyq adam jaraqat aldy», - dep atap ótti Sýherman.
Tabıǵı apattardyń saldaryn joıý jónindegi ulttyq agenttiktiń habarlaýynsha, Chandjýr aımaǵynda ondaǵan ǵımarat búlingen.
Olardyń arasynda aýrýhana men ıslam mektep-ınternaty bar.
Indonezııada jer silkinisi únemi bolyp turady. Bul el Tynyq muhıtyndaǵy tektonıkalyq belsendiliktiń «Órt saqınasy» aımaǵynda ornalasqan.
Araldyq memlekette mezgil-mezgil joıqyn jer silkinisi men tsýnamı de bolyp turady. Sonyń saldarynan Sýlavesı aralynda 2018 jyly 2 myńnan astam adam kóz jumdy.
Foto: EPA
