Indonezııadaǵy janartaý mańynda tikushaq apatqa ushyrady
ASTANA. QazAqparat - Týrısterdi qaýipsiz aýmaqqa kóshirýge tıis bolǵan segiz adam qaza tapty.
Indonezııada qutqarýshy tikushaq ıAvadaǵy atqylap jatqan Sılerı janartaýynyń mańynda apatqa ushyrady. Tikushaq Býtak taýynda jartasqa soǵylyp, janartaýdyń atqylaýy bastalǵan týrıstik aımaqtaǵy Dıeng ústirtinen úsh mınýttyq ushý kezinde qırady, dep habarlaıdy Associated Press.
Ótken jeksenbide Dıeng ústirtindegi Sılerı janartaýynyń ushqyny shamamen 50 metr bıiktikke jetti. Kenetten bolǵan janartaýdyń atqylaýy kezinde krater aýmaǵynda 17 týrsıt bolǵan. Sonyń saldarynan on adam jaraqat alyp, aýrýhanalarǵa jetkizildi.
Bılik qaýipsizdik maqsatynda týrıster men jergilikti turǵyndardyń oqıǵa bolǵan aýmaqty bosatýyn surady. Dúısenbi kúni tań atqansha, barlyq adamdar qaýipsiz aımaqqa kóshirildi.
Tikushaqtyń jartasqa soǵylý sebebi ázirge anyqtalmaı otyr. Mashınada eshqandaı aqaý bolmaǵan. Bortta evakýatsııalaýǵa jumyldyrylǵan tórt áskerı qyzmetker jáne tórt qutqarýshy boldy.
