Indonezııadaǵy ushaq apatynan ajal qushqandar sany 135 adamǵa jetti
ASTANA. QazAqparat - Indonezııada "Gerkýles" S-130 áskerı-kóliktik ushaqtyń qulaýy saldarynan kem degende 135 adam qaza tapty. Bul týraly Detik jańalyqtar portaly habarlady, dep jazady TASS.
"Adam Malık qalalyq aýrýhanasyna 135 adamnyń máıiti jetkizildi", - dedi jýrnalısterge atalmysh medıtsınalyq mekemeniń ókili.
Onyń sózine qaraǵanda, qaza tapqandardyń qaısysy áskerı, qaısysy jergilikti turǵyn ekeni ázirge anyqtalmady. Sondaı-aq portalda ajal qushqandardan qansha adamnyń ushaqta bolǵany ázirge beımálim ekeni habarlanady. Al osyǵan deıin qulaǵan ushaq bortynda 12 ekıpaj múshesi, sonymen birge 101 jolaýshy bolǵany aıtylǵan edi.
Qaıǵyly oqıǵa keshe, seısenbi kúni jergilikti ýaqytpen tús kezinde ındonezııalyq Medan qalasynda oryn aldy. "Gerkýles" qulaǵan jerde órt shyqty. Kýágerlerdiń aıtýynsha, ushaq "Golden Elevan" qonaq úıi shatyrynyń ústinde jarylǵan. Qulaǵan kezde ushaq birneshe ǵımarat pen kólikti janap ketken. Apatqa baılanysty Medanda Indonezııanyń ÁÁK óz qaramaǵyndaǵy Hercules ushaqtarynyń olardyń bolashaqta adam tasymaldaýǵa qanshalyqty jaramdylyǵyn anyqtaǵansha áýege kóterilýine tyıym saldy.
