Indonezııadaǵy ushaq apaty: SCAT aqaýly ushaq boıynsha shuǵyl sharalardy qolǵa aldy
QR Azamattyq avıatsııa komıtetiniń habarlaýynsha, Qazaqstanda bul ushaqty tek SCAT áýe kompanııasy ǵana qoldanyp otyr. SCAT kólik quralyn bıyl sáýirde satyp alǵan.
Aqparattyq bıýlletende ushaq balansynyń buzylýynan týǵan shtattan tys jaǵdaıda ekıpaj ne isteý kerektigi jazylǵan. Boeing kompanııasy mundaı apattyń neden bolatynyn zerttedi. Kompanııanyń aıtýynsha, atalmysh aqaý shtýrvaldy basqarý kezinde ǵana bolady. Sol sátte ushaq ózdiginen tumsyǵymen tik quldılaıdy eken. Bul shtattan tys oqıǵany qalpyna keltirýge kez kelgen sanattaǵy ushqyshtyń tájirıbesi jetedi, arnaıy bilim alýdyń qajeti joq.
SCAT áýe kompanııasy atalǵan nusqaýlyqty alysymen shuǵyl túrde osy markaly ushaqtyń ekıpajyna qajetti ınstrýktsııa taratyldy. QR Azamattyq avıatsııa komıtetine jaqyn arada Boeing kompanııasynan apattyq dırektıva jiberiledi. Aıta ketý kerek, qazirgi tańda Boeing bul ushaqtardyń paıdalanylýyna shekteý qoıǵan joq.
Eske salaıyq, Indonezııanyń Lion Air áýe kompanııasynyń jolaýshylar ushaǵy 29-qazanda apatqa ushyraǵan bolatyn. Ushaq áýege kóterilgennen keıin 13 mınýttan soń jerge qulaǵan. Djakarta-Pankal-Pınang reısi boıynsha baǵyt alǵan laınerde 8 ekıpaj múshesi men 189 jolaýshy bolǵan. Jolaýshylardyń arasynda Qazaqstan azamattary joq.
Osy oqıǵaǵa oraı Elbasy Nursultan Nazarbaev Indonezııa Prezıdentine kóńil aıtý jedelhatyn joldady.