Indonezııadaǵy kóshkin: 60-tan astam adam úıindi astynda qaldy
ASTANA. QazAqparat - Sársenbide Indonezııanyń Sýlavesı aralyndaǵy zańsyz altyn óndirip jatqan kenish opyrylyp, bir adam qaza taýyp, taǵy 60-tan astamy úıindi astynda qalǵan. Bul týraly «QazAqparat» HAA Reuters agenttigine silteme jasap habarlaıdy.
Tabıǵı apattardyń saldaryn joıý ulttyq agenttiginiń resmı ókili Sýtopo Nýgrohonyń aıtýynsha, qaıǵyly oqıǵa Soltústik Sýlavesı provıntsııasynyń Bolaang-Mongondoý okrýginde ornalasqan kenishte bolǵan. Kóshkin saldarynan altyn óndiretin kenishtiń tóbesin ustap turatyn qurylymdar qıraǵan. Kem degende bir adam qaza tapqan. Qutqarýshylar ázirge úıindi astynda qalǵan adamdardyń 13-in shyǵardy.
Eske sala keteıik, 27 qańtarda Ortalyq Sýlavesıde bolǵan sý tasqyny kezinde de kóshkin bolyp edi. Sol shqta 68 adamnyń ómiri qıylyp, 47 adam jaraqat alǵan, taǵy 3 myńnan astam jergilikti turǵyn baspanasynan aıyrylǵan bolatyn.
Al byltyr qyrkúıekte bolǵan 7,4 baldyq zilzala saldarynan 2 myńnan astam adam qaza taýyp, zardap shekkender sany 10,6 myńnan asqan edi.
