Indonezııadaǵy kólik keptelisinde 18 adam qaza tapty
ASTANA. QazAqparat - ıAva aralynyń soltústik-batysynda ornalasqan Indonezııanyń Brebes regenttigindegi polıtsııa 5 shildedegi «jan túrshigerlik jol keptelisinde» 18 adamnyń qaza tapqanyn habarlady, dep jazady Asian Correspondent.
East Brebes aqyly joly arqyly Djakartadan Tegalǵa baǵyt alǵan myńdaǵan júrgizýshi túrli málimetter boıynsha, 20 saǵattan 35 saǵatqa deıingi jol keptelisine túsken. Olardyń kópshiligi musylmandardyń qasıetti aıy Ramazannyń aıaqtalýy merekesin toılaý úshin úıine qaıtyp bara jatqan.
Regenttiktiń bas dárigeriniń aıtýynsha, aptap ystyq pen sharshaǵannan 12 adamnyń sozylmaly aýrýy údeı túsken. Beseýi jol apatynan kóz jumǵan, taǵy bir adamnyń óliminiń sebebi áli anyqtalǵan joq.
Kólik aǵynynyń tyǵyzdyǵynan, dárigerler kómekke zárý jandarǵa tipti mototsıklmen de jete almaǵan.
foto: lenta.ru
