Indonezııadaǵy qazaqstandyq týrısterge jergilikti bıliktiń nusqaýyn oryndaýǵa keńes berildi
ASTANA. QazAqparat - QR Investıtsııalar jáne damý mınıstrligi týrızm ındýstrııasy departamenti qazaqstandyq týrısterge Indonezııadaǵy zilzalaǵa baılanysty úreıge berilmeı, jergilikti bıliktiń nusqaýyn oryndaýǵa keńes berdi, dep habarlaıdy QazAqparat.
Bul týraly óziniń Facebook paraqshasynda QR Investıtsııalar jáne damý mınıstrligi týrızm ındýstrııasy departamentiniń dırektory Marat Iǵalı málim etti.
«QR Investıtsııalar jáne damý mınıstrligi týrızm ındýstrııasy departamenti Indonezııadaǵy zilzalaǵa baılanysty sol jaqtaǵy qazaqstandyq týrısterge úreıge berilmeýge jáne jergilikti bıliktiń nusqaýyn oryndaýǵa keńes beredi», - dep jazdy M.Iǵalı.
Qazaqstan týroperatorlaryn departament sol eldegi seısmıkalyq jaǵdaıdy qadaǵalap otyrýdy jáne otandyq týrısterdi oryn alýy yqtımal qaýip-qaterler týraly jedel qulaqtandyrýdy úndedi.
Aıta keteıik, 2016 jyldyń 7 jeltoqsanynda Indonezııada zilzala oryn aldy. Álemdik BAQ-tyń habary boıynsha, Indonezııa jaǵalaýlarynda bolǵan jer silkinisinen 54 adam qaza tapqan.
