Indonezııadaǵy feıerverk fabrıkasyndaǵy alapat órtten 46 adam qaza tapty
ASTANA. QazAqparat - Indonezııanyń Tangerang qalasynda feıerverk fabrıkasynda órt shyǵyp, arty jarylysqa ulasqan apat saldarynan kem degende 46 adam mert bolǵan.
Bul týraly AFP agenttigi habarlady.
Zardap shegýshilerdiń naqty sany ázirge belgisiz. Buǵan deıin 27 adamnyń qaza taýyp, 35 adamnyń zardap shekkeni habarlanǵan edi.
CBS deregi boıynsha, fabrıka ornalasqan ǵımarat oqıǵa saldarynan jartylaı qırady. Oqıǵanyń mán-jaıy týraly ózge aqparat ázirge túse qoıǵan joq.
