Indonezııadaǵy "Batam Oýpen" týrynda qazaqstandyq jaǵajaı voleıbolshylar úzdik nátıjege qol jetkizdi
ALMATY. 3 mamyr. QazAqparat /Erlik Erjanuly/ - Jaǵajaı voleıbolynan Indonezııadaǵy "Batam Oýpen" Azııalyq 2-týrynda qazaqstandyq jigitter 1-2 oryndy ózara bólisti.
QR Voleıbol fedaratsııasynyń habarlaýynsha, aqtyq synda Aleksandr Dıachenko men Alekseı Sıdorenko (Qazaqstan-1) komandalas serikteri Dmıtrıı ıAkovlev pen Alekseı Kýleshovtan (Qazaqstan-2) basym túsken. Olar jartylaı fınalda buǵan deıin jarys qojaıyndarynan mereılerin asyrǵan bolatyn. Al áıelder arasyndaǵy synda Tatıana Mashkova men Irına Tsımbalova ekinshi oryndy qanaǵat tutty. Olar jartylaı fınalda malaızııalyqtardy tize búktirgen edi. Bul dúbirli dodada 15 elden erler men áıelder arasynda 24 jup baq synaǵan bolatyn.
Jalpy byltyr 21-24 qazan kúnderi Qytaıdyń Haký aralynda ótken Azııa chempıonatynda Tatıana Mashkova men Irına Tsımbalova ekinshi, Inna Rahmatýlına men Lıýdmıla Isaeva 9-orynǵa taban tiredi. Al Alekseı Sıdorenko men Aleksandr Dıachenko - 4-oryndy, Dmıtrıı ıAkovlev pen Alekseı Kýleshov bolsa úzdik bestikti túıindegen edi.
