Indonezııadaǵy áýe apatynda qaza tapqandardyń januıasyna 90 myń dollar tólenedi
ASTANA. QazAqparat - Indonezııalyq Trigana Air Service áýe kompanııasy jýyrda Papýa provıntsııasynda bolǵan apat saldarynan qaza tapqandardyń árbiriniń januıasyna shamamen 90 myń dollordan tóleıdi, dep habarlady TASS.
«Zańdy muragerlerge tólemderdi tóleý jaqyn aradaǵy úsh-tórt aptada bastalady»,- dedi áýe tasymaldaýshynyń ókili Bennı Sýmarıanto. Onyń sózine qaraǵanda, jergilikti zańnamamen bekitilgen bul ótemaqydan bólek ajal qushqandardyń otbasylaryna saqtandyrý kompanııasynan $7,2 myńnan bólinedi.
BAQ-ta habarlanǵandaı, Trigana Air Service áýe kompanııasynyń ATR jolaýshylar ushaǵy Djaıapýra qalasynyń Sentanı áýejaıynan ushqannan 30 mınýttaı ótken soń Papýa provıntsııasynda taýǵa soǵylyp qulaǵan.
Ushaq bortynda 49 jolaýshy men 5 ekıpaj múshesi boldy. Avıalaıner bólshekteri eldiń shyǵysyndaǵy taýly aýdandardan tabyldy.
Foto © Indonesia Search and Rescue team via AP
