Indonezııadaǵy apat: Sahnada án salyp turǵan rok tobyn tolqyn shaıyp áketti
Tabıǵı apatttarǵa qarsy kúres agenttiginiń ókili Sýtopo Pýrvo Nýgrohonyń málimdeýinshe, taǵy 843 adam jaraqattanǵan, 30-y iz-túzsiz joǵalǵandar tiziminde. Júzdegen úıler qıraǵan.
Tsýnamı Anat-Karakataý janartaýy atqylaǵannan keıin sýasty kóshkini saldarynan boldy degen boljam bar.
Tabıǵı apattarmen kúres agenttiginiń ókili jarııalaǵan kadrlardan tsýnamıdiń zardaptaryn kórýge bolady - kóshelerdi sý basyp, kólikter aýdarylǵan.
Indonezııa geologııalyq qyzmeti habarlaǵandaı, juma kúni janartaý 2 mınýt 12 sekýnd atqylaǵan, al onyń kúli 400 metr bıiktikke jetken.
Áleýmettik jelilerde Seventeen jergilikti rok toby án aıtyp turǵan jaǵalaýda tolqynnyń mýzykanttardy sahnadan shaıyp áketkeni túsirilgen vıdeo jarııalandy.
Keıin toptyń vokalısi Instagramǵa vıdeo jarııalap, onda toptyń basısi, gıtarısi jáne gastroldik menedjeriniń qaza tapqanyn málimdedi, al toptyń basqa eki múshesi men onyń jubaıy joǵalyp ketken.
Eske salaıyq, tsýnamı Djakarta ýaqytymen 23 jeltoqsanda 21.27-de bolǵan. Onyń saldarynan Banten provıntsııasyndaǵy pandeglang okrýgi zardap shekken.
Zond buǵazy ıAva jáne Sýmatra araldaryn bólip tur.