Indonezııadaǵy alapat sý tasqynynan 60 adam ajal qushty
JAKARTA. QazAqparat – Senbi, 4 qańtarda Indonezııa qutqarý qyzmeti sý tasqynynan zardap shekken eldiń shalǵaı aýdandaryna azyq-túlikti tikushaqpen jetkizdi, dep habarlaıdy QazAqparat Shannelnewsasia.com saıtyna silteme jasap.
Tabıǵı apattan qaza tapqandar sany 60 adamǵa jetti. El bıligi jaýyn-shashynnyń taǵy da jaýýynan qaýiptenip otyr.
Sý tasqynynan úlken qalalyq konglomerattyń baspanasyna zardap shekken 170 000-nan astam adam evakýatsııalandy. Sońǵy derekter boıynsha Jakartada 30 mıllıon adam turady.
Jańa jyl qarsańynda bastalǵan jaýyn-shashynnan ıAva aralanyń ońtústik bóligi men aımaǵynda sý tasqyny men kóshkin bolǵan.
Senbi kúni Indonezııa tabıǵı apat zalalyn joıý agenttiginiń ókilderi qaza tapqandar sanynyń 60-qa jetkenin málim etti.
Densaýlyq saqtaý mınıstrliginiń resmı ókilderi 11 myńǵa jýyq medıtsına qyzmetkerleri men sarbazdar A gepatıti, masa arqyly taralatyn denge bezgegi jáne basqa da aýrýlardyń, sonyń ishinde ınfektsııalardyń aldyn alý úshin dári-dármekter, dezınfektsııalyq quraldar, gıgıenalyq jıyntyqtar jáne tamaq jetkizý úshin jiberilgenin aıtty.
Jakarta qarashanyń aıaǵynda bastalatyn jańbyr maýsymynda sý tasqynynan únemi zardap shegip keledi. Sarapshylardyń aıtýynsha, jaǵdaı qaladaǵy sý shyǵarý júıesiniń nasharlyǵy jáne halyqtyń tez ósýine baılanysty baspana qurylysynyń kóptiginen kúsheıip jatyr.
Indonezııa prezıdenti Djoko Vıdodo el astanasyn Borneo aralyna kóshirý josparyn jarııalady.
Eske sala keteıik, keshe Qazaqstannyń syrtqy ister mınıstrligi Indonezııadaǵy sý tasqynyna baılanysty kóńil aıtqan bolatyn.
