Indonezııadaǵy jer silkinisinen 51 adam qaza tapty
ASTANA. KAZINFORM — Indonezııada bolǵan joıqyn jer silkinisinen qaza tapqandar sany 51 adamǵa jetti. Taǵy 100-den astam adam zardap shekti, dep habarlaıdy Kazinform agenttiginiń tilshisi TASS-qa silteme jasap.
Agenttiktiń málimetinshe, shamamen 5 myń adam úılerin tastap ketýge májbúr bolǵan.
Tabıǵı apat saldarynan 900-den astam ǵımarat qırap, taǵy 450 úı búlingen.
— Kóshkinderdiń basym bóliginen keıin úıindilerdi tazalap, oqshaýlanyp qalǵan aýyldarǵa aparatyn joldardy ashtyq. Alaıda baılanys máseleleri men elektr energııasynyń óshýi izdeý jumystaryn qıyndatyp otyr, — dep qutqarý qyzmetiniń ókili Fathýr Rahmannyń sózin keltirdi agenttik.
Jakarta Globe gazetiniń málimetinshe, araldaǵy memlekettik jáne turǵyn úıler, mektepter, medıtsınalyq jáne dinı nysandar zaqymdanǵan.
Eske salaıyq, senbi kúni Indonezııanyń Shyǵys Nýsa-Tengara provıntsııasynda magnıtýdasy 7,7 bolatyn jer silkinisi bolǵan edi. Bılik Flores aralynyń jaǵalaýyndaǵy turǵyndarǵa tsýnamı qaýpine baılanysty úıinen ketip, jaǵalaýdan keminde 2 shaqyrym qashyqtyqta bolýdy eskertti.
