Indonezııadaǵy zańsyz altyn kenishindegi apattan 9 adam qaza tapty
ASTANA. KAZINFORM – Indonezııanyń Batys Sýmatra óńirinde zańsyz altyn óndiretin kenish mańynda bolǵan apat saldarynan toǵyz adam kóz jumdy, dep habarlaıdy Sınhýa.
Oqıǵa Sıdjýndjýng provıntsııasynda paıdaly qazba óndiriletin aýmaqqa jaqyn jarqabaqta bolǵan. Sol sátte ken ornynda shahterler jumys istep jatqan.
Apat nátıjesinde birneshe adam topyraq pen tas úıindisiniń astynda qalǵan.
Jergilikti derekkózderdiń málimetinshe, qaza tapqandardy týystary men jaqyn mańdaǵy turǵyndar jerlegen.
Sınhýa agenttigi Indonezııada, ásirese jańbyrly maýsym kezinde, shahtalardaǵy jazataıym oqıǵalar jıi bolatynyn atap ótti.
Bul kezeńde kóshkin men opyrylym qaýpi aıtarlyqtaı artady.
Aıta keteıik, buǵan deıin Indonezııadaǵy Dýkoný janartaýy mańynan joǵalyp ketken týrısterdiń denesi tabylǵany habarlanǵan edi.
