Indonezııadaǵy sý tasqynynan 67 adam qaza tapty

DJAKARTA. KAZINFORM – Indonezııanyń Batys Sýmatra provıntsııasynda lava men sý tasqyny qurbandarynyń sany 67 adamǵa jetti, 20 adam iz-túzsiz joǵalyp ketti. Bul týraly sársenbi kúni eldiń tabıǵı apattardy joıý jónindegi Ulttyq agenttiginiń basshysy Sýharıanto málimdedi, dep jazady Sınhýa.

Onyń aıtýynsha, zardap shekken aımaqtarǵa evakýatsııalaýǵa jáne zardap shekkenderdi izdeýge kómektesý úshin sarbazdar men polıtseıler jiberilgen.

Sheneýnik agenttik aldaǵy ýaqytta mundaı apattyń qaıǵyly saldary qaıtalanbaýy úshin azamattardy basqa jerge kóshirýdi qarastyryp jatqanyn atap ótti. Eger kóshirý oryn alsa, jergilikti ákimshilik jer telimin beredi.

Mamandar senbi kúni túnde bolǵan apatty osydan 45 jyl buryn dál sol aýdandarda bolǵan tabıǵı apattyń qaıtalanýy dep otyr.