Indonezııadaǵy Levotobı janartaýy qaıta atqylap jatyr
ASTANA. KAZINFORM — Indonezııanyń Shyǵys Nýsa Tenggara provıntsııasynda ornalasqan Levotobı janartaýy beısenbi kúni qaıtadan atqylap, kúl baǵanasyn 5 myń metr bıiktikke laqtyryp, avıatsııalyq qaýip-qaterdiń eń joǵary deńgeıi jarııalandy. Bul týraly Indonezııanyń janartaý jáne geologııalyq apat saldaryn joıý ortalyǵy habarlady, dep jazady Sınhýa.
Janartaý jergilikti ýaqyt boıynsha 10:48-de bolǵan. Kúl kraterdiń batysyna, ońtústik-batysyna jáne soltústigine shashyraǵan.
Výlkan observatorııasy kraterdiń ústinde jáne aınalasynda 6 myń metrden tómen ushýǵa tyıym salatyn «qyzyl» (eń joǵary) avıatsııalyq qaýiptilik kodyn jarııalady. Ushaqtar ushý baǵytyna kedergi keltiretin kúl bulttaryna da daıyn bolýy kerek.
Levotobı janartaýy jeksenbi kúni keshke atqylap, saldarynan 10 adam qaza taýyp, 63 adam jaraqattandy. 4 myńnan astam turǵyn úılerin tastap ketýge májbúr boldy. Ystyq bulttar men janartaýlyq materıaldar júzdegen úıler men ǵımarattardy qıratyp, aımaqta órt qaýpin týdyryp otyr.
1584 metrlik Levotobı taýy Indonezııadaǵy 127 belsendi janartaýlardyń biri. Tynyq muhıtynyń órt saqınasynda ornalasqan elde janartaýlyq belsendilik jıi kezdesedi.
