Indonezııadaǵy Bromo ulttyq saıabaǵynda 120 gektardan astam orman órtendi
ASTANA. KAZINFORM — Indonezııadaǵy Bromo-Tenger-Semerý ulttyq saıabaǵynyń (TNBTS) kalderasynda birneshe kúnnen beri órship turǵan orman órti shamamen 120 gektar aýmaqty sharpydy, dep habarlaıdy BelTA.
TNBTS basqarmasynyń basshysy Rýdıdjanta Tıadja Nýgraha órtti áýeden sóndirýge arnalǵan tikushaqtyń jerdegi toptar jete almaıtyn tik jartasty jerlerdegi oshaqtardy sóndirý jumystaryn jalǵastyryp jatqanyn aıtty.
— Áli de sóndirilmegen birneshe oshaq bar. Órt shamamen 120 gektar aýmaqty sharpydy, — dedi Nýgraha.
Onyń aıtýynsha, taýly ári oıly-qyrly jer órt sóndirýshiler úshin qıyndyq týǵyzǵan. Órt oshaqtarynyń kóbi tik betkeılerde ornalasqandyqtan, jedel qyzmetterdiń birikken toptary ol jerlerge jaıaý qaýipsiz jete almaıdy.
Ol sondaı-aq órttiń tabıǵı faktorlardan emes, adam áreketinen tutanýy múmkin ekenin aıtty.
Aıta keteıik, Túrkııada 44 orman órtine qatysty tergeý júrgizilip, kúdiktiler qamaýǵa alyndy.
