Indonezııadaǵy Azııa chempıonatynda qazaqstandyq semserlesýshi qola enshiledi
ASTANA. KAZINFORM — Semserlesýden Qazaqstan quramasynyń ókili Sofııa Aktaeva Djakartada (Indonezııa) ótip jatqan jasóspirimder arasyndaǵy Azııa chempıonatynda qola júldeger atandy, dep habarlaıdy UOK baspasóz qyzmeti.
Komıtet málimetinshe, otandasymyz rapıramen semserlesýden jartylaı fınalǵa deıin jetti.
— Sofııa fınalǵa shyǵý úshin ótken kezdesýde qytaılyq Chjý Lınlınmen ózara myqtyny anyqtady. Nátıjesinde Qytaı sportshysy 14:15 esebimen jeńiske jetti.
Osylaısha Sofııa Aktaeva jeńis tuǵyrynyń úshinshi satysyna kóterildi, — delingen habarlamada.
Buǵan deıin qazaqstandyq semserlesýshiler Azııa chempıonatynda 2 qola medal jeńip alǵanyn jazǵan edik.
