Indonezııadaǵy 5,1 baldyq jer silkinisinen bir adam qaza tapty
ASTANA. KAZINFORM — Indonezııadaǵy Ortalyq Sýlavesı provıntsııasynda magnıtýdasy 5,1 bolatyn jer silkinisinen keıingi evakýatsııa kezinde bir adam mert boldy. Tabıǵı apattan turǵyn úıler men qoǵamdyq ǵımarattarǵa zaqym kelip, keıbiri qırady, dep habarlaıdy Anadoly.
Indonezııanyń meteorologııa, klımatologııa jáne geofızıka agenttiginiń habarlaýynsha, turǵyn úı men qoǵamdyq ǵımarattardyń zaqymdanýyna baılanysty turǵyndarǵa qaýipti aımaqtardan evakýatsııalaný usynyldy.
Evakýatsııa barysynda aýrýhanada em qabyldap jatqan bir naýqas kóz jumdy.
Bılik evakýatsııalanǵan turǵyndarǵa arnalǵan ýaqytsha baspanalar uıymdastyryp, keltirilgen shyǵyn kólemin baǵalaý jumystaryn júrgizip jatyr.
Osyǵan deıin Indonezııa jaǵalaýynda magnıtýdasy 6,7 jer silkinisi tirkelip, keıin birqatar kúshti aftershok boldy.
