Indonezııada jolaýshylar ushaǵy apatqa ushyrady
ASTANA. QazAqparat - Indonezııanyń Lion Air áýe kompanııasynyń jolaýshylar ushaǵy búgin tańerteń apatqa ushyrady, dep habarlaıdy QazAqparat Jakarta Post-qa silteme jasap.
Jakarta Post aqparaty boıynsha, ushaq jergilikti ýaqytpen tańǵy saǵat 6:20-da áýege kóterilgen. 13 mınýt ótkennen keıin ushaq radardan joǵalyp, onymen baılanys úzilgen.
Indonezııa qutqarý qyzmetiniń aqparaty boıynsha, Djakartadan Pankalpınangqa ushyp bara jatqan Boeing 737 MAX 8 ushaǵy teńizge qulaǵan.
Bortta qansha jolaýshy jáne ekıpaj múshesi bolǵany týraly, sondaı-aq ushaqtyń nelikten apatqa ushyraǵany jaıly ázirge naqty aqparat joq.
