Indonezııada joǵalyp ketken reseılik Sukhoi SuperJet-100 ushaǵy tabyldy
ASTANA. 10 mamyr. QazAqparat - Indonezııada tikushaqtar joǵalyp ketken reseılik Sukhoi SuperJet-100 laınerin tapty.
Onyń jaǵdaıy ázirge belgisiz. Bul týraly jedel shtabta júrgen jáne «Sýhogonyń azamattyq tikushaqtary» kompanııasynyń delegatsııasyn alyp júrýshi bloger Sergeı Dolıa málim etti.
S. Dolıdiń sózine qaraǵanda, buǵan deıin boljam boıynsha ushaq qulaǵan aýdanǵa 3 tikushaq jiberildi, onyń bireýi - medetsınalyq, dep habarlady RBK.
Esterińizge sala keteıik, Indonezııada 9 mamyrda radar ekranynan reseılik Sukhoi SuperJet-100 ushaǵy joǵalyp ketti, áýe kemesimen jáne onyń bortyndaǵy adamdarmen baılanys joq. Ekıpaj 3 myńnan 1,8 myń metrge deıin tómendeýge ruqsat suraǵan, tómen túsip ońǵa burǵan soń, joǵalyp ketti. Apat kezinde jumys isteıtin apattyq radar jumys istemeıdi.
Ushaq Azııa memleketteri boıynsha kórsetý týrynyń aıasynda ushqan. Indonezııaǵa ushyp barmas buryn ol Mıanmende, Pákistanda jáne Qazaqstanda boldy. Ári qaraı josparda Laos jáne Vetnam bar bolatyn.
Indonezııada ushý jumystary Halım Perdanakýsýmanyń astanalyq áýe jaıynan atqarylǵan bolatyn. Anyqtalǵan málimetter boıynsha joǵalyp ketken ushaqtyń bortynda 50 emes, 48 adam bolǵan.
Aıta keteıik, ushaqty tájirıbeli ushqysh basqarǵan.
Sukhoi SuperJet-100 ushaǵyn izdeý jumystary 2,2 shaqyrym bıiktiktegi Salak jańartaýynyń áýejaıynan 50 shaqyrym jerde júrgizilýde. Іzdeý operatsııasy ázirge eshqandaı nátıje bergen joq.
