Indonezııada jer silkinisinen keıin tótenshe jaǵdaı jarııalandy
ASTANA. KAZINFORM — 15 tamyz kúni Indonezııanyń Shyǵys Nýsa-Tengara provıntsııasynda bolǵan 7,7 baldyq jer silkinisinen qaza tapqandar sany 54-ke jetti, dep habarlaıdy Associated Press.
Jer silkinisinen 135 adam jaraqat aldy.
Jeksenbi kúngi jaǵdaı boıynsha 12 myńnan astam adam baspanasyz qaldy. 1300-den astam úı opyryldy.
Іzdeý-qutqarý jumystary jalǵasyp jatyr.
Shyǵys Nýsa-Tengara provıntsııasynyń gýbernatory 14 kúnge tótenshe jaǵdaı jarııalady.
Apat aımaǵyna 3500-den astam áskerı jáne polıtsııa qyzmetkeri, sondaı-aq 275 tonna gýmanıtarlyq kómek jiberildi, alaıda logıstıkalyq qıyndyqtar keıbir qatty zardap shekken eldi mekenderge kómek jetkizýdi baıaýlatty.
Aıta keteıik, 15 tamyzda Indonezııanyń Shyǵys Nýsa-Tengara provıntsııasynda 7,7 baldyq jer silkinisi tirkeldi. Bul 2022 jylǵy Batys ıAvadaǵy júzdegen adamnyń ómirin qıǵan jer silkinisinen keıingi elde qaıtalanǵan eń joıqyn jer silkinisi boldy.
Eldiń apattardy basqarý agenttigi aımaqta shamamen 1000 aftershok tirkelgenin habarlady.
17 000 araldan turatyn arhıpelag Indonezııa Tynyq muhıtynyń ot saqınasynda ornalasqan, bul tektonıkalyq plıtalar toǵysatyn seısmıkalyq belsendi aımaq.
Buǵan deıin Kolýmbııadaǵy jer silkinisinen keıin shamamen 400 adamnyń taǵdyry belgisiz qalǵanyn habarlaǵan edik.
