Indonezııada jer silkinisinen keıin shamamen 1600 aftershok tirkeldi
ASTANA. KAZINFORM — 15 tamyzda Indonezııanyń shyǵysynda bolǵan sońǵy tórt jylda eldegi eń joıqyn jer silkinisinen qaza tapqandar sany 68 adamǵa jetti, taǵy 200-den astam adam jaraqat aldy, dep habarlaıdy Al Jazeera.
Tabıǵı apattardy basqarý jónindegi Ulttyq agenttiktiń málimetinshe, tek Shyǵys Nýsa-Tengara provıntsııasynyń Flores aralynda 1300-den astam úı zaqymdanyp, al 250-ge jýyq úı tolyǵymen qıraǵan.
Shyǵys Nýsa-Tengara provıntsııasynda zilzala saldarynan 4500-den astam úıge zaqym kelgen. Sondaı-aq 122 densaýlyq saqtaý mekemesi men 252 mektep búlingen.
Shamamen 19 myń adam ýaqytsha baspanalarǵa ornalasýǵa májbúr boldy.
Kópshiligi shatyrlardy panalap, jerasty dúmpýleriniń qaıtalaný qaýpine baılanysty úılerine oralýdan qorqyp otyr.
Dúısenbidegi jaǵdaı boıynsha, aımaqta shamamen 1600 aftershok tirkeldi.
Kóshkin men úıindiler kóptegen joldy jaýyp tastady, al birneshe aýdanda jedel medıtsınalyq kómek kórsetý úshin dalalyq emhanalar salynyp jatyr.
Osyǵan deıin Indonezııada jer silkinisinen keıin tótenshe jaǵdaı jarııalanǵany habarlandy.
