Indonezııada jer silkinisi saldarynan alyp shuńqyr paıda boldy

ASTANA. KAZINFORM — Indonezııanyń Acheh provıntsııasynda paıda bolǵan úlken shuńqyrdyń aýdany 30 myń sharshy metrden asty, al tereńdigi 100 metrge jetedi, dep habarlaıdy Anadoly.

Antara News habarlaýynsha, Indonezııanyń Ulttyq zertteý jáne ınnovatsııalar agenttigi (BRIN) ortalyq Acheh aýdanynyń bir aýylynda shuńqyr paıda bolǵan jerde zertteýler júrgizip jatyr.

Málimdemede kórsetilgendeı, 30 myń sharshy metrden asatyn jáne tereńdigi 100 metrge jetetin shuńqyr kóshkin saldarynan paıda bolǵan.

Bastapqyda kishigirim oıys bolǵan bul jer ýaqyt óte kele erozııa men topyraq jyljýy nátıjesinde keńeıip, tereńdep, alyp ólshemge jetken.

Sonymen qatar, seısmıkalyq belsendiliktiń bul protsestiń damýyna yqpal etkeni atap ótildi: atap aıtqanda, 2013 jyly Ortalyq Achehte bolǵan 6,2 magnıtýdaly jer silkinisi topyraqtyń turaqsyzdyǵyn kúsheıtip, qurylymyn álsiretýi múmkin degen boljam bar.

Budan buryn Atyraý mańynda tereńdigi 10 metr shuńqyr paıda bolǵanyn jazǵanbyz.