Indonezııada jer silkinisinen mert bolǵandar sany 1,2 myńnan asty
ASTANA. QazAqparat - Indonezııanyń Sýlavesı aralynda bolǵan jer silkinisi men tsýnamı saldarynan qaza tapqandar sany 1,2 myń adamnan asty. Bul týraly dúısenbi kúni The Straits Times basylymy Іzdeý jáne qutqarý ulttyq agenttiginiń derekterine silteme jasap habarlaıdy.
«Qutqarýshylardyń aıtýynsha, qurbandar sany budan da kóbeıedi. Sebebi zilzalanyń oshaǵy ornalasqan (magnıtýdasy 7,4) Dýngala aýdanynan (Ortalyq Sýlavesı provıntsııasy) jańa málimetter túse bastaǵan», - dep jazdy gazet.
Eske salaıyq, juma, 28 qyrkúıek kúni Paýlý qalasyna jaqyn ornalasqan Sýlavesı aralynda 6,1 jáne 7,4 magnıtýdasymen eki jer silkinisi boldy. Qýatty jerasty dúmpýleri bıiktigi eki metrden asqan tsýnamıdiń týyndaýyna ákep soqtyrdy. Sońǵy málimetter boıynsha, 1,2 myńnan astam adam qaza tapqan. El úkimeti bul san áli de artýy múmkindigin joqqa shyǵarmaıdy.
Buǵan deıin habarlaǵanymyzdaı, eki kúnnen beri Sýlavesı aralyn astan-kesteń etken tabıǵı apattan qaza tapqandar arasynda qazaqstandyqtar joq.
Memleket basshysy Nursultan Nazarbaev Indonezııa Prezıdenti Djoko Vıdodoǵa kóńil aıtý jedelhatyn joldady.
