Indonezııada jer silkinisinen qaza bolǵandar sany 400-den asty
ASTANA. QazAqparat - Indonezııanyń Paýlý qalasynda jer silkinisi saldarynan qaza bolǵandar sany 420-ǵa jetti. Bul týraly Dúleı apattardyń saldaryn joıý jónindegi ulttyq basqarmaǵa silteme jasap jergilikti Kompas telearnasy habarlady.
Buǵan deıin ajal qushqan 384 jáne zardap shekken 540 adam týraly aıtylǵan bolatyn.
Ulttyq basqarmadan atap ótkendeı, bul tek Paýlý qalasyndaǵy sandar ǵana. Zilzaladan zardap shekken ózge okrýgterde qansha adam qurban bolǵany áli naqtylanbaǵan.
Juma kúni tańerteń Paýlý qalasyna jaqyn ornalasqan Sýlavesı aralynyń jaǵalaýynda 6,1 magnıtýdasymen jer silkindi. Keıin osy aýdanda 7,4 magnıtýdasymen taǵy birneshe zilzala tirkeldi. BAQ-tyń habarlaýynsha, budan soń, bıiktigi eki metr tsýnamı kóterilgen.
