Indonezııada jer silkindi
ASTANA. Qazannyń 26-sy. QazAqparat - Seısenbi kúni Indonezııada jer silkindi, dep habarlady AQSh-tyń Geologııalyq qyzmeti. Seısmologtardyń aqparattary boıynsha, 6,1 magnıtýdaly zilzalanyń oshaǵy Batys Sýmatra provıntsııasynyń ákimshilik ortalyǵy - Padang qalasynyń ońtústigine qaraı 225 shaqyrymdaı jerde bolǵan, al onyń oshaǵy 23 shaqyrymdaı tereńdikte tirkelgen.
Qurban bolǵandar, qıraýlar nemese tsýnamı qaýpi týraly ázirge eshqandaı aqparat joq, biraq Indonezııa halqy óńirdegi ázirge basylmaı turǵan seısmıkalyq belsendilikke alańdap otyr.
Esterińizge sala keteıik, dúısenbi kúni keshke elde 7,2 magnıtýdaly qýatty jer silkinisi bolyp, onyń izin ala 5,5 jáne 5,0 magnıtýdaly taǵy eki dúmpý tirkelgen edi.
