Indonezııada jer silkindi
ASTANA. Jeltoqsannyń 10-y. QazAqparat - Beısenbi kúni Indonezııa jaǵalaýynyń ońtústik-batysyna qaraı kúshi 5,9 baldyq jer silkinisi boldy, tsýnamı qaýpi joq. Qurban bolǵandar men qıraýlar týraly málimet te joq,
dep habarlaıdy Frans Press agenttigi AQSh Meteorologııalyq qyzmetine silteme jasap.
Máskeý ýaqyty boıynsha saǵat 00.29-da Sýmatra aralyndaǵy Medan qalasynan 310 shaqyrymdaı jerde tirkelgen jerasty dúmpýleriniń kindigi 35 shaqyrymdaı tereńdikte bolǵan.
Indonezııa eń seısmıkalyq belsendi aýmaqta ornalasqan jáne Tynyq muhıtyndaǵy qýatty tektonıkalyq synyq qabatynyń bóligi bolyp tabylady. Bul aýdanda eń belsendi tektonıkalyq taqta ornalasqan, onyń bireýi jylyna 7 sm jyldamdyqpen jyljyp turady. Seısmologtar jyl saıyn bul mańnan kúshi 4 baldan joǵary 6-7 myńdaı jer silkinisin tirkeıdi.
