Indonezııada jer betindegi eń kári turǵyn - 145 jastaǵy er adam turady
ASTANA. QazAqparat - Jer betiniń eń kári er adamy 145 jasta, dep habarlaıdy Daily Mail.
ıAva aralynyń turǵyny Mbah Gotonyń aıtýynsha, ol 1870 jyly 31 jeltoqsanda dúnıege kelgen. Qazir onyń júrip-turýy qıynǵa túsedi. Ózdiginen tamaqtanýy da ońaıǵa soqpaı tur. Gotonyń habarlaýynsha, onyń on shaqty aǵa-ápkeleri men 4 áıeli bolǵan. Qazir ol óziniń nemere-shóberelerimen, shópshekterimen birge turady.
Mbah Goto resmı túrde álemniń eń kári adamy bolyp sanalmaıdy, sebebi onyń qajetti qujattary joq. Gotoda tek tólqujat bar, al ol qujatta týǵan jyly onyń aıtýy boıynsha jazylǵan. Sondyqtan da álemdegi eń kári turǵyn bolyp 122 jastaǵy frantsııalyq Janna Kalman esepteledi.
