Indonezııada jasandy alkogolden reseılik tórt teńizshi qaıtys boldy
ASTANA. 24 maýsym. QazAqparat - Indonezııada jasandy alkogolge ýlanyp, reseılik tórt teńizshi kóz jumdy.
Polıtsııa ókilderiniń aqparaty boıynsha, olardyń bári «Kapıtan Kýrbatskıı» kemesiniń ekıpaj músheleri bolǵan, dep habarlaıdy RBK.
Tártip saqshylarynyń aıtýynsha, Bandjarmasın portynda teńizshiler tutynǵan alkogol jasandy bolyp shyqqan. Taǵy úshi reseılik aýyr jaǵdaıda aýrýhanaǵa jatyr.
Resmı málimet ázirge túsken joq. Oqıǵa boıynsha tekserý júrgizilip jatyr. Polıtsııanyń málimeti boıynsha, oqıǵa kemede saýyq keshi kezinde oryn alǵan. Ekıpajdyń 30-ǵa jýyq múshesi qytaılyq jasandy alkogoldi basqa sýsyndarmen aralastyrǵan kórinedi.
