Indonezııada janartaýdyń atqylaýynan keminde 16 adam mert boldy
ASTANA. QazAqparat - Indonezııanyń Sýmatra aralyndaǵy Sınabýng janartaýynyń atqylaýynan keminde 16 adam mert boldy. Bul týraly sheteldik BAQ habarlaýda.
Taratylǵan aqparattarǵa qaraǵanda, senbi kúni qutqarýshylar janartaýǵa taqaý mańdaǵy aýyldan 14 adamnyń múrdesin tapqan. Sonymen qatar olar 3 adamdy qutqaryp, kúıik shalǵan olardy aýrýhanaǵa jetkizdi. Sál keıinirek aýrýhanaǵa jetkizilgen 24 jastaǵy kolledj stýdenti jansaqtaý bóliminde jantásilim etti. Al búgin qutqarýshylar izdeý jumystaryn bastaǵannan keıin taǵy bir adamnyń múrdesin tapty. Indonezııanyń Ulttyq tabıǵı apattardyń saldaryn joıý jónindegi basqarmasy qaza tapqandardyń arasynda tórt oqýshynyń bolǵandyǵyn aıtýda. Olar aralǵa saıahattap kelgen edi.
Esterińizge sala keteıik, Sınabýng janartaýy senbi kúni oıanǵan edi. Al bul kezde buǵan deıin qaýipsiz jerge kóshirilgen araldyń 14 myńǵa jýyq turǵyny úılerine oralǵan bolatyn. Bir kúnniń ishinde janartaý úsh márte oıanyp, kúli eki shaqyrym bıiktikke jetken.
