Indonezııada janartaý úsh ret atqylady: kúl bir shaqyrym bıiktikke kóterildi
ASTANA. IKAZINFORM — Indonezııanyń Shyǵys ıAva provıntsııasyndaǵy Semerý janartaýy keminde úsh ret atqylaǵan. Janartaý shyńynan kóterilgen kúl baǵanynyń bıiktigi bir shaqyrymǵa jetti. Bul týraly TASS agenttigi jazdy.
Indonezııanyń Výlkanologııa jáne geologııalyq apattardyń saldaryn azaıtý ortalyǵynyń málimetinshe, atqylaý kezinde kúl janartaý shyńynan 1000 metr bıiktikke kóterilgen. Osylaısha, kúl baǵanynyń teńiz deńgeıinen bıiktigi 4676 metrge jetken.
Janartaý atqylaýy kezinde aq jáne sur tústi qoıý kúl bulttary paıda bolyp, batys baǵytqa taralǵan.
Mamandar jergilikti turǵyndar men týrısterge qaýipsizdik sharalaryn saqtaýdy eskertti. Qyzǵan tastardyń atqylaý qaýpine baılanysty janartaý kraterine bes shaqyrym radıýsta jaqyndaýǵa tyıym salynady.
Sonymen qatar, lava aǵynynyń júrýi, ystyq gaz ben kúl bulttarynyń taralýy jáne jaqyn mańdaǵy ózen arnalary boıymen laı kóshkinderiniń júrý qaýpi saqtalyp otyr.
Semerý — Indonezııadaǵy bıiktigi jóninen tórtinshi janartaý. Onyń teńiz deńgeıinen bıiktigi 3676 metrge jetedi. Sondaı-aq ol — ıAva aralyndaǵy eń bıik shyń.
Indonezııa Tynyq muhıttaǵy «Otty beldeý» aımaǵynda ornalasqan. Bul — seısmıkalyq jáne janartaýlyq belsendiligi joǵary óńir. El aýmaǵynda 500-den astam janartaý bar, olardyń shamamen 130-y belsendi.
Buǵan deıin Kamchatkadaǵy Shıvelých janartaýy kúldi teńiz deńgeıinen shamamen bes shaqyrym bıiktikke atqylaǵany habarlanǵan edi.
Shıvelých — Kamchatka túbeginde ornalasqan belsendi janartaý. Onyń jasy 60–70 myń jyl dep esepteledi. Ol Eski Shıvelých janartaýynan, ejelgi kalderadan jáne belsendi Jas Shıvelých janartaýynan turady.
Janartaý Ýst-Kamchatsk aýdanyna qarasty Klıýchı eldi mekeninen shamamen 50 shaqyrym, al Petropavl-Kamchatskıı qalasynan 450 shaqyrym qashyqtyqta ornalasqan.
