Indonezııada janartaý oıanyp, tsýnamı boldy
ASTANA. Qazannyń 27-si. QazAqparat - Indonezııada Merapı janartaýynyń oıanýy saldarynan eń az degende, 13 adam qaza tapty. ıAva aralynda ornalasqan bul janartaý seısenbi kúni keshke qaraı oıandy. Janartaýdyń oıaný yqtımaldyǵy týraly mamandar ótken aptada eskertken bolatyn, dep habarlaıdy VVS kompanııasy.
El ókimeti taýdyń eteginde ornalasqan derevnıalardyń turǵyndaryn qaýipsiz aımaqtarǵa kóshýge shaqyryp otyr. Merapı janartaýy sońǵy ret 2006 jyly ot shashqan bolatyn, ol joly apattyń saldarynan eki adam qaza bolǵan edi.
Al 1994 jyly janartaý 60 adamnyń ómirin qısa, 1930 jyly 1300 adamnyń ómirin qıǵan. Indonezııa joǵary seısmıkalyq jáne janartaý belsendiligine sebep bolatyn birneshe tektonıkalyq taqtanyń túıisken jerinde ornalasqan, sondyqtan da bul jerde jıi jer silkinedi, janartaýlar sónbeıdi.
Elde sondaı-aq batys Sýmatra jaǵalaýyna tóngen qýatty tsýnamıdiń qurbandary da kóbeıip otyr. Jergilikti Metro TV telekompanııasyna bergen suhbatynda Mentavaı aralynyń ákimshilik basshysy Hendrı Dorı Satoko málim etkendeı, sońǵy málimetter boıynsha tsýnamı saldarynan 108 adam qaza bolǵan, 502 adam iz-túzssiz joǵalǵan.
Tsýnamı Rıhter baǵamy boıynsha 7,7 baldyq jer silkinisiniń saldarynan týyp otyr.
