Indonezııada janartaý atqylaýyna baılanysty áýe kompanııalary Balıge reısterdi toqtatty

ASTANA. KAZINFORM – Indonezııanyń Balı mańynda janartaý atqylaýy saldarynan qaýipti kúl bultynyń paıda bolýyna baılanysty avstralııalyq úsh áýe kompanııasy Balıge ushýdy toqtatty, dep habarlaıdy The Guardian basylymy.

Seısenbi jáne sársenbi kúnderi Jetstar, Qantas ı Virgin Australia reısteri toqtatylyp, jolaýshylar tyǵyryqqa tireldi.

Jeksenbi kúni Levotobı Lakı-lakı janartaýy atqylap, bıiktigi 9 km bıiktikke ushqan kúl ushqynynan keıin tótenshe jaǵdaı engizildi. 

Balıge 500 shaqyrym jerde ornalasqan Shyǵys Nýsa Tenggara provıntsııasynda bolǵan oqıǵa saldarynan toǵyz adam kóz jumyp, kraterdiń mańyndaǵy 15 myńnan astam adam evakýatsııalandy. 

Meteorologııa bıýrosynyń ókili Levotobı janartaýynyń atqylaýy áli eki aptaǵa sozylýy múmkin ekenin aıtty. 

Kólik mınıstrliginiń málimetinshe, shyǵystan esken jelmen birge janartaý kúliniń ushqyndary Denpasar áýejaıy men áýejaıdyń ońtústigindegi áýe keńistigine jetken. Sársenbide Balı men Avstralııanyń soltústiginiń keıbir bólikterine de jetýi múmkin dep boljanǵan.

Janartaý kúli Balı men onyń aınalasyndaǵy teńiz ortalarynyń, sonyń ishinde Avstralııanyń soltústik áýe keńistiginiń bólikteriniń ústinen ońtústikke qaraı jyljıdy dep kútiledi. 

8 qarasha kúni Levotobı janartaýy qaıta atqylap jatqanyn jazǵan bolatynbyz.