Indonezııada janartaý atqylap, sel júrý qaýpi tóndi
ASTANA. KAZINFORM — Indonezııanyń Sıaý aralynyń turǵyndaryna Karangetang janartaýynyń kezekti atqylaýynan keıin laı kóshkini júrýi múmkin ekeni eskertildi, dep habarlaıdy ANTARA.
Výlkanologtardyń málimetinshe, atqylaý kezinde kúl men gazdan turatyn tútin baǵany shamamen bir shaqyrym bıikke kóterilgen. Al janartaýdyń betkeılerimen taraǵan ystyq lava aǵyny 1 000 metrge deıin jetken.
Mamandar jańbyrly maýsym bastalǵanda janartaý betkeılerinde jınalǵan taý jynystary sýmen aralasyp, qaýipti selge aınalýy múmkin ekenin eskertedi. Ásirese janartaýdan bastaý alatyn ózenderdiń boıyndaǵy aýmaqtarǵa qaýip tónip tur.
Baqylaý barysynda jer asty dúmpýleri, gúrildegen dybystar jáne kraterden zattardyń atqylaýy da tirkelgen.
Qazir Karangetang janartaýynyń qaýiptilik deńgeıi ekinshi satyda saqtalyp otyr.
Buǵan deıin ıAva aralynda janartaý úsh ret atqylaǵany habarlanǵan edi.
