Indonezııada jalqaý memlekettik qyzmetkerlerdiń derekteri áleýmettik jelide jarııalanady

ASTANA. KAZINFORM — Indonezııanyń Batys ıAva provıntsııasynyń gýbernatory Dedı Mýlıadı kelesi aıdan bastap jumysyna úlgermeıtin memlekettik qyzmetkerler áleýmettik jeli arqyly áshkerelenetinin aıtty, dep habarlaıdy South China Morning Post basylymy.

Gýbernator árbir «jalqaý» qyzmetkerdiń aty-jóni, mekenjaıy, sýreti áleýmettik jelide jarııalanatynyn málimdedi.

Sheneýniktiń oıynsha, bul olardyń jumysyn jaqsartýǵa kómektesedi.

— 1 qarashadan bastap árbir aımaqtyq memlekettik organ óziniń eń jalqaý qyzmetkerin jarııalaýǵa mindetti. Olardyń aty-jóni, mekenjaıy jáne fotosýreti beriledi. Men ony ózimniń TikTok paraqshamda jarııalaımyn, — dedi ol.

Pılottyq baǵdarlama kelesi aıda úsh provıntsııalyq agenttikte — Densaýlyq saqtaý basqarmasynda, Bilim berý departamentinde jáne Qorshaǵan ortany qorǵaý departamentinde bastalady jáne kelesi jyldyń basynda Batys ıAva provıntsııasynyń barlyq 27 aýdany men qalalarynda qoldanylady.

— Aılyq alatyndar jumys isteýi kerek. Aılyq alyp, jumys istemese, ne keregi bar? — dedi sheneýnik.

Sondaı-aq ol tıimsiz qyzmetkerdiń mektepterdiń ákimshilik jumysyna jiberiletinin eskertti.

Keıbir memlekettik qyzmetkerler sapasyz jumys istegeni úshin jumystan bosatyldy.

Budan buryn Indonezııa úkimeti astanany Djakartadan Nýsantaraǵa kóshirý protsesin 2028 jylǵa deıin aıaqtaýdy josparlap otyrǵanyn habarlaǵan edik.