Indonezııada ushaq apatynan qaza tapqandardyń sany 37-ge jetti
ASTANA. QazAqparat - Seısenbi kúni ındonezııalyq Medan qalasynda apatqa ushyraǵan áskerı-kóliktik C-130 Hercules ushaǵynda ajal qushqandardyń sany 37-ge jetti.
Bul rette mert bolǵandardyń sany munymen shektelmeýi múmkin, sebebi ushaq qulaǵan sátte bortta 50 adam bolǵan.
Budan basqa, ushaqtyń turǵyn úı oramyna qulap, eki úıge zaqym keltirgeni belgili.
Polıtsııa derekterine súıensek, ushaq áýege kóterilgennen soń eki mınýttan keıin qulaǵan, dep habarlaıdy Bı-bı-sı.
Áýejaıda ushqyshtyń qozǵaltqyshtyń isten shyǵýyna baılanysty qaıtýǵa ruqsat suraǵanyn rastady. Kýágerler ushaq burylǵan kezde qulaǵanyn aıtýda.
