Indonezııada úsh polıtsııa qyzmetkeri prezıdentti tyńdady degen kúdikke ilindi
ASTANA. KAZINFORM — Indonezııada prezıdent Prabovo Sýbıanto men birqatar joǵary laýazymdy tulǵanyń telefon arqyly sóılesýlerin tyńdady degen kúdikpen úsh polıtsııa qyzmetkeri ustaldy, dep habarlaıdy Anadolu.
Tergeý barysynda quqyq qorǵaý organdarynyń qyzmetkerleri kýágerlerden jaýap alyp, qajetti dáleldemelerdi jınaqtady. Osy sharalardyń nátıjesinde kúdiktiler anyqtaldy.
Aldyn ala málimetterge sáıkes, polıtsııa qyzmetkerleri elektrondyq baılanysty zańsyz ustap alǵan, tıisti ruqsatsyz aqparattyq júıelerge kirgen jáne tsıfrlyq derekterdi joıyp jibergen bolýy múmkin.
Tergeý aıasynda atalǵandardyń qatarynda Indonezııa polıtsııasynda joǵary laýazymdy qyzmetter atqaratyn Lısto Sıgıt Prabovo, Ahrıe Sonta Nasýtıon jáne Eko Hadı Santoso bar.
Qazirgi ýaqytta tergeý organdary prezıdentti ańdydy degen kúdikke qatysty jaǵdaılardy zerttep, kúdiktilerdiń árqaısysynyń bul iske qanshalyqty qatysy bar ekenin anyqtap jatyr.
Aıta keteıik, Almatyda ózin polıtsııa qyzmetkeri dep tanystyrǵandar ustaldy.
