Indonezııada úkimet ǵımaratynda jarylys boldy
ASTANA. QazAqparat - Indonezııalyq Bandýng qalasynda jarylys boldy, dep habarlady Reıter agenttigi.
«Biz qazir úkimet ǵımaratyndamyz. Adamdardan bomba jarylǵany týraly aqparat tústi», - dep habarlady polıtsııa ókili.
Agenttiktiń derekterine sáıkes jarylystan keıin ǵımaratta shabýyldaýshylar men kúsh qurylymdary arasynda atys bastalǵan. Qurbandar jaıly aqparat ázirge joq.
Keıinnen polıtsııa qyzmekterleri shabýyldaýshyny ustaǵany jaıly aqparat tarady.
Ótken jylǵy jeltoqsanda polıtseıler Indonezııa prezıdenti saraıynyń aldynda lańkestiktiń aldyn alǵan bolatyn. Onda qaraýyl aýysatyn ýaqytta bomba jarýdy josparlaǵan úsh adam ustalǵan.
