Indonezııada tútin saldarynan 19 adam qaıtys boldy
ASTANA. QazAqparat - Indonezııa aýmaǵynda qoıý tútinnen dala tumandanyp, sonyń saldarynan bolǵan respıratorly aýrýlardyń asqynýynan 19 adam kóz jumǵan. Olardyń kóbi - balalar.
Ulttyq densaýlyq saqtaý qyzmetkerleriniń málimetterinshe, elde tynys alý joldary ótkir ınfektsııalarynyń jarty mıllıonǵa jýyq oqıǵasy tirkelgen. Qazirgi kezde Indonezııadaǵy lastaný aımaǵynda 43 mıllıonnan astam adam qalyp otyr.
Tumannyń paıda bolýyna orman órtteri sebep bolǵan, olardyń tútini Azııanyń basqa elderine, atap ótkende, Taılandqa da jetken.
El prezıdenti Djoko Vıdodo AQSh-qa jasaǵan saparynyń merzimin qysqartyp, Indonezııadaǵy daǵdarysty retteý úshin elge oraldy.
Indonezııadaǵy tótenshe jaǵdaılar jónindegi ulttyq agenttik el aımaqtaryn basqan tútindi tumandy adamzatqa qarsy jasalǵan qylmys dep sıpattady.
