Indonezııada túrmedegi órtten qaza tapqandar sany 44 -ke jetti
NUR-SULTAN. QazAqparat - Beısenbide Indonezııada Banten provıntsııasy Tangerang qalasyndaǵy túrmede bolǵan órtten qaza tapqandar sany 44-ke jetti, dep habarlaıdy QazAqparat Agence France-Presse agenttigine silteme jasap.
Eldiń ádilet jáne adam quqyqtary mınıstri Djeıson Laolıdiń aıtýynsha, sársenbi kúni tańerteń bastalǵan órt búkil túrmege tez taraǵan. Bılik keleńsiz jaǵdaıdyń sebebin tekserýdi jalǵastyrýda. Órt qyryq jyldan astam ýaqyt boıy jańartylmaǵan elektrmen jabdyqtaý júıesindegi aqaýlarǵa baılanysty týyndaýy múmkin degen boljam bar.
