Indonezııada tabıǵı apat saldarynan qaza tapqandar sany 900-den asty
ASTANA. KAZINFORM — Sýmatra aralynda bolǵan sel men topyraq kóshkini saldarynan qaza tapqandar sany 914-ke jetti, dep habarlaıdy Anadoly.
Qaza tapqandardyń 359-y Ache provıntsııasynyń, 329-y Soltústik Sýmatranyń, al 226-sy Batys Sýmatranyń turǵyndary.
Qutqarý-quttyqtaý jumystary jalǵasyp jatyr, 389 adam iz-tússiz joǵalǵan dep eseptelip otyr.
Tabıǵı apat mýssondyq jańbyr men tropıkalyq tsıklonnyń áserinen paıda bolyp, mıllıondaǵan turǵyn zardabyn kórip otyr.
Indonezııa bıligi zardap shekken aımaqtarda tótenshe jaǵdaı jarııalap, halyqqa gýmanıtarlyq kómek kórsetý boıynsha aýqymdy operatsııany bastady. Azyq-túlik pen dári-dármekterdi jetkizý úshin tikushaqtar men ushaqtar tartyldy. BNPB agenttiginiń baǵalaýynsha, sel saldarynan 3 mıllıonnan astam adam zardap shekken.
Aıta ketelik Indonezııadaǵy sý tasqynynan mert bolǵandar sany 500-den asqan edi.