Indonezııada tabıǵat apatynan qaza bolǵandar sany 400 adamǵa jetti
ASTANA. Qazannyń 29-y. QazAqparat - Tsýnamıdiń nátıjesinde jáne janar taý atqylaýynan Indonezııada qaza bolǵandar sany 400 adamǵa jetti, - dep habarlaıdy Lenta.rý Associated Press agenttigine silteme jasap.
Ásirese, jer silkinisine alyp kelgen tsýnamıdiń qıratýshy kúshi anaǵurlym basymdaý boldy. Sonyń saldarynan Batys Sýmatranyń jaǵalaýy túgelge jaqyn qırap qaldy. Tsýnamıdiń joıqyn kúshi, sońǵy málimetter boıynsha 370 adamnyń ómirin qıyp ketti. Magnıtýdaǵy jer silkinisi qazannyń 25-inde 7,7 ballǵa jetti.
Jer silkinisinen keıin bir táýlik ótkende ıAva aralynda Merapı janartaýynan tozań aralas výlkan atqylady. Keıingi málimetterge júginsek, osynyń saldarynan 33 adam kóz jumǵan. Buǵan deıin jergilikti halyqty jappaı kóshirý jumystary bastalǵan bolatyn.
