Indonezııada súńgýir qaıyq ekıpajynyń opat bolǵandyǵy jarııalandy
NUR- SULTAN QazAqparat – Indonezııa bıligi 21 sáýirden bastap baılanysqa shyqpaǵan, eldiń áskerı teńiz kúshteriniń (ÁTK) KRI Nanggala 402 súńgýir qaıyǵynyń sýǵa batqandyǵyn málimdedi. Bul týraly QazAqparat BBC News-ke silteme jasap habarlaıdy.
Onda 53 adamnyń mert bolǵany atap ótilgen. Barlap tekserý nátıjesinde súńgýir qaıyq 850 m tereńdikte tabylǵan.
Súńgýir qaıyqtaǵy ottegi qory boljam boıynsha 23 sáýirde jergilikti ýaqytpen saǵat 3:00 taýsylǵan. Ony izdeýge Reseı, AQSh, Frantsııa, GFR, Úndistan jáne Túrkııa usynys jasady.
Eske sala ketsek, budan Indonezııanyń izdeýshileri joǵalyp ketken «Nangala» sýasty kemesin Balı teńiziniń túbindegi 850 metrge jýyq tereńdikten anyqtaǵandyǵyn, ındonezııalyq qutqarýshylardyń juma kúni Balı teńizinde joǵalyp ketken «Nangala» súńgýir qaıyǵyn izdeýdi qaıta bastaǵandyǵyn jazǵan bolatynbyz. Operatsııa aýmaǵyna barlyǵy 21 keme, sonyń ishinde tereńdikti barlaıtyn teńiz apparattary bar okeanografııalyq keme tartyldy.
