Indonezııada sý tasqynynda 12 bala kóz jumdy
ASTANA. QazAqparat - Indonezııa qutqarýshylary juma kúni Soltústik Sýmatrada sý tasqyny kezinde iz-túzsiz ketken 17 bastaýysh synyp oqýshysyn taýyp aldy, dep habarlaıdy QazAqparat The Jakarta Post basylymyna silteme jasap.
Basylymnyń keltirgen málimetine sáıkes, tabıǵat apaty kezinde osy mekteptiń 12 oqýshysy qurban bolǵan.
Sonymen qatar, ótken túnde joǵalyp ketken eki mektep muǵalimi de din aman tabylǵan. Qutqarylǵan jandardyń birqatary jaraqat alǵan, alaıda mamandar «olardyń ómirlerine qaýip tónip turǵan joq» dep málim etti.
Basylymnyń jazýynsha, tabylǵan balalardyń jastary 12-den aspaıdy.
Eske sala ketsek, birneshe kúnge sozylǵan tolassyz jańbyr sońy Mandaılıngnatal okrýginde sý tasqynyna aınalyp, laı kóshkini júrgen. Tabıǵat apatynan jalpy 20-dan astam adam mert bolǵan.
