Indonezııada sý tasqynynan qaza tapqandar sany 43-ke jetti
JAKARTA. QazAqparat - Indonezııa astanasy Jakartada sý tasqynynan qaza tapqandar sany 43-ke jetti, sonymen qatar 400 myńǵa jýyq adam evakýatsııalandy, dep habarlaıdy QazAqparat Washington Post basylymyna silteme jasap.
Memlekettiń áleýmettik qamtý mınıstrliginiń habarlaýynsha, qalanyń 90 aýdanynda qatty jańbyr jaýyp, ózender arnasynan shyqqan.
400 myńǵa jýyq adam evakýatsııalanyp, úılerin tastap ketýge májbúr bolǵan. Al qutqarýshylar qalanyń keıbir aýdandaryna kire almaı otyr.
Djakarta áýejaıy beısenbi kúni ashyldy. Áýejaıdyń jabylýynan 20 myń adam usha almaǵan edi.
Aıta ketý kerek, Jakartada 10 mln adam turady. Sý tasqyny men jer silkinisinen qala bıýdjetine 6,5 mln dollar shyǵyn keldi.
