Indonezııada shahtanyń opyrylýynan 20 altyn izdeýshi mert boldy
ASTANA. QazAqparat - Batys Kalımantın provıntsııasynyń shalǵaı aýdanynda shahtanyń opyrylýy saldarynan zaństsz altyn óndirýmen aınalysatyn Indonezııanyń 20 turǵyny mert boldy, dep habarlady reseılik «Jańalyqtar» agenttigi.
«Altyn izdeýshi-shahterler bolyp jumys jasaıtyn 18 er adam men eki áıeldiń múrdesi qarańǵy túskesin ǵana shyǵaryldy», - dep málim etti provıntsııanyń polıtsııa bastyǵy brıgada generaly Arıf Sýlıstıanto.
Altynǵa álemdik baǵalar ósýine baılanysty Indonezııada osy baǵaly metaldi zańsyz óndirý jumystary erekshe qarqyn aldy. Budan úsh aı buryn Papýa provıntsııasynyń shyǵysyndaǵy eldi mekenderdiń onǵa tarta turǵyny Panıaı aýdanynda jer qyrtysynyń yǵysýynan qazaǵa ushyrady. Іzdeý qutqarý jumystaryna djýngı arasyna ótý múmkin bolmaǵandyqtan qıyndyq kelip, oqıǵa ornyna tikushaqpen ǵana barýǵa týra keldi.
Jarty jyl buryn segiz altyn izdeýshi batysıavandyq Bogor qalasynyń mańynda shahta opyrylýynan qazaǵa ushyraǵan bolatyn. 2009 jyly da Sýmatradaǵy Savahlýnto qalasynyń mańyndaǵy shahtada jarylys bolýy saldarynan jerasty qabaty opyrylyp, 50-ge tarta adam kóz jumǵan edi.
