Indonezııada salmaǵy 9 kg bolatyn alyp sábı dúnıege keldi (FOTO)
ASTANA. QazAqparat - Indonezııada 41 jastaǵy ana dúnıege álemdegi eń iri bolyp sanalatyn sábıdi ákeldi, onyń salmaǵy 8,7 kg.
Belgili bolǵandaı, Anı Rýssıdın qant dıabetimen aýyrǵan. Onyń zardaby jatyrdaǵy balanyń damýyna áser etse kerek. Sábıdiń anasy júkti kezinde únemi dárigerlerdiń baqylaýynda boldy. Bala kesar tiliginiń kómegimen dúnıege keldi. Onyń salmaǵy 8,7 kg, al boıy 62 santımetr, dep jazady sheteldik BAQ.
Aıta keteıik, qazir anasynyń da, búldirshinniń de jaǵdaıy jaqsy. Sonymen birge bul sábı álemdegi eń iri shaqalaq bolyp tabylady. Dúnıe esigin endi ashqan kishkentaı Akbardy kórý úshin aýrýhana qyzmetkerleri kezekke turǵan eken.
