Indonezııada reseılik daıverdi qoltyraýyn jazym etti
ASTANA. QazAqparat - Indonezııanyń Radja-Ampat aralynda 37 jastaǵy reseılik daıverdiń óli denesi tabyldy. Jergilikti BAQ-tyń jazýyna qaraǵanda jigitti qoltyraýyn jaraqattaǵan.
Reseılik 26 naýryzda sý astyna súńgý kezinde iz-túzsiz joǵalyp ketken. Bul týraly onyń dostary polıtsııaǵa habar bergen.
Týrıstiń jaraqat izderi bar múrdesin jergilikti turǵyndar seısenbi kúni jaǵadan taýyp alǵan. Krımınalıster «mundaı jaraqatty alyp qoltyraýyn ǵana salady» dep boljap otyr.
Qazir Indonezııadaǵy Reseı elshiliginiń ókilderi qaıǵyly oqıǵanyń búge-shigesin anyqtap jatyr. Dıplomattar qaza tapqan jigittiń atyn jarııa etpegenimen jergilikti basylymdar ony «Sergeı» dep ataýda.
