Indonezııada paromnyń apatqa ushyraýy týraly habardy joqqa shyǵardy
ASTANA. QazAqparat - Indonezııa Ulttyq izdeý-qutqarý basqarmasynyń ókilderi senbi kúni BAQ-tyń eldiń shyǵys bóliginde ishinde 200 adam bolýy múmkin teńiz paromynyń apatqa ushyraýy týraly habarlamasyn joqqa shyǵardy.
«Men bul aqparatty qutqarýshylar men teńiz polıtsııasynan tekserdim, biraq olarda osyndaı málimetter joq. Bul - ótirik habar», - dep málimdedi Okezone.com portalyna Balıkpapan qalasyndaǵy Basarnas bóliminiń basshysy Hendra Sýdırman (Hendra Sudirman).
Buǵan deıin birqatar jergilikti jáne sheteldik BAQ ishinde az degende 197 adam bolǵan Taruna Makmur kemesiniń aýa raıynyń qolaısyzdyǵynan Shyǵys Kalımantan provıntsııasynyń jaǵalaýyndaǵy Bontang qalasynan shyǵysqa qaraı Makassar buǵazynda sýǵa batyp ketkeni týraly habarlaǵan bolatyn.
